இயற்கை விவசாயத்தில் இனக்கவர்ச்சி பொறிகளின் பங்கு

 insect trap for agriculture

இயற்கை விவசாயத்தில் பூச்சிகள், புழுக்கள் போன்றவற்றை கட்டுப்படுத்துவதில் முக்கிய பங்கு வகிப்பது இந்த பூச்சி பொறிகளே, இதை நம் வயலில் சரியான நேரத்தில் கையாண்டாலே பயிர்களில் 60 சதவீத தாக்கத்தை கட்டுப்படுத்தி விடலாம் . பூச்சியை  அழிக்கும் அல்லது பயிர்களை தாக்காமல் கவர்ந்து இழுப்பதற்கு இரண்டு முறைகள் உள்ளன ஓன்று  உயிரியல் முறை இது  இனக்கவர்ச்சி பயிர்களை ஊடு பயிராகவோ அல்லது வரப்பு ஓரங்களில் நட்டு முக்கிய பயிர்களை தாக்காமல் கவர்ந்து இழுப்பது . அடுத்தது கவர்ச்சி பொறிகள் வைத்து பூச்சிகளை கவர்ந்து இழுத்து அழிப்பது . நாம் இந்த கட்டுரையில்  பூச்சிகளை கட்டுப்படுத்த என்ன வகையான பொறிகள்  உள்ளன என்பதை இந்த கட்டுரையில் பார்க்கலாம் 

இந்த பொறிகளை பொறுத்தவரை நான்கு விதமா பிரிச்சுக்கலாம் 

1) நாமே தயாரிக்கும் பொறிகள் 

2) ஓட்டும் அட்டைகள் 

3) கவர்ச்சி பொறிகள் 

4) விளக்கு பொறிகள் 

1) நாமே தயாரிக்கும் பொறிகள்

சில பூச்சிகளை கட்டுப்படுத்த மரபு வழி முறையை பயன்படுத்தி தயாரிப்பது உதாரணமாக காண்டாமிருக வண்டை கவர்ந்து இழுக்க கருவாட்டு பொறி , பழங்கள் மற்றும்  பந்தல் காய்கறிகளை தாக்கும் பழ ஈக்களை  அழிக்கும் பழ ஈ பொறி போன்றவற்றை சொல்லலாம்.

2) ஓட்டும் அட்டைகள் - insect traps sticky 

ஓட்டும் அட்டைகளை பொறுத்தவரை சிரியவகை அந்த பூச்சிகளை கவர்ந்து இழுத்து அழிப்பதில் பெரும் பங்கு உள்ளது  இந்த ஓட்டும் அட்டைகளில் பொதுவாக இரண்டு வண்ணங்கள் உள்ளன  மஞ்சள் வண்ணம் அட்டை இவை Whiteflies, Green Plant Hopper, Aphids, Thrips ,Leaf Minor,Thrips போன்ற பூச்சிகளையும் அவற்றால் எற்படும் வைரஸ் நோய்களையும் கட்டுப்படுத்தும்  . தென்னையை தாக்கும் ருகோஸ் பூச்சியை  இந்த பெரியவகை மஞ்சள் ஷீட் கட்டுப்படுத்தும். அடுத்தது நீலவண்ண ஓட்டும் அட்டை பூச்சிகளை பொறுத்தவரை மஞ்சள் நிறத்திற்கு பின்பு நீல நிறம்தான் அதிகம் கவர்ந்து இழுக்கும் இதுவும் மேல் சொன்ன பூச்சிகளை கவர்ந்து அளிக்கும் .

3) இனக்கவர்ச்சி பொறிகள்  Insect phermone traps 

இயற்கை விவசாயத்தில் பூச்சிகளை பெருமளவு கட்டுப்படுத்துவது இந்த வகை பொறிகளே . பெண் பூச்சிகள் ஆண்பூச்சிகளை கவர்ந்து இழுக்க வாசனை திரவங்களை வெளியிடும் அந்த திரவங்களை பயன்படுத்தி ஆண் பூச்சிகளை கவர்ந்து அளிக்கலாம் ஓவுவொரு பூச்சிக்கும் ஒருவிதமான திரவம் இருக்கும். உதாரணமாக காண்டாமிருக வண்டில் ஆண் பூச்சி பெண் பூச்சி வெவ்வேறு திரவங்களை சுரக்கும் அவற்றை வைத்து வண்டினை அழிக்கலாம் . இந்த திரவங்கள் சந்தைகளில் அல்லது ஆன்லைனில் வாங்க முடியும் 

இந்த இனக்கவர்ச்சி பொறிகளில் பலவகை உள்ளன 

A) வாளி வகை இனக்கவர்ச்சி பொறி 

இந்தவகை பொறிகள் காண்டாமிருக வந்து சிவப்பு கூன் வண்டு போன்றவற்றை கட்டுப்படுத்த பயன்படுகிறது  பொதுவாக இந்தவகை இனக்கவர்ச்சி பொறிகள் தென்னை மரங்கள் உள்ள பகுதிகளுக்கு பயன்படுத்தப்படுகின்றன 

b) புனல் வடிவ இனக்கவர்ச்சி பொறி 

இந்தவகை பொறிகள் காய்கறி பயிர்களை தாக்கும் பூச்சிகளை , புழுக்களை கட்டுப்படுத்த பயன்படுத்தப்படுகின்றன அமெரிக்கன் காய்ப்புழு , தக்காளி பழதுளைப்பான் , நெல் தண்டு துளைப்பான் , பயறுவகை காய்துளைப்பான் இப்படி காய்கறிகள் மற்றும் பந்தல் காய்கறிகளை தாக்கும் பூச்சிகளை கவர்ந்து அளிக்கும் . ஒரு ஏக்கருக்கு 4 முதல் 6 வைக்கலாம் . வைக்கும்போது உங்கள் பயிர்களில் இருந்து ஒரு அடி உயரத்தில் இருக்குமாறு வைக்கவேண்டும் .

c) குடுவை வகை இனக்கவர்ச்சி பொறிகள் 

இந்த வகை கவர்ச்சி பொறிகள் பெரும்பாலும் பழத்தோட்டங்களில் பயன்படுத்தப்படுகின்றன கொய்யா , பப்பாளி , மாமரம் இதை தவிர்த்து பந்தல் வகை காய்கறி பயிர்களுக்கும் இந்த கவர்ச்சி பொறிகள் பயன்படுத்தப்படுகின்றன . குறிப்பாக பழ ஈக்களை இந்த பொறிகள் கட்டுப்படுத்தும்.

 

4) விளக்கு பொறிகள் - Solar light traps 

இந்தவகை பொறிகள் அணைத்து விதமான பயிர்கள் தோட்டக்கலை பயிர்கள் தானிய வகை பயிர்கள் எல்லாவற்றிக்கும் பயன்படுத்தலாம் பறக்கும் பூச்சிகள் குறிப்பாக தீமை செய்யும் பூச்சிகள் மாலை வேலைகளில்தான் அதிகம் பறக்கும் அவற்றை வெளிச்சத்தின் மூலம் கவர்ந்து இழுத்து அழிப்பதுதான் இந்த விளக்கு பொறிகள் இந்த விளக்கு பொறிகள் இரண்டு வகைதான் ஓன்று பாட்டரி அல்லது கரண்ட் மூலம் இயங்குபவை  அடுத்தது சோலார்  மூலம் இயங்கும் விளக்கு பொறி இயங்குபவை இந்த சோலார் வகை பொறிகள் கொஞ்சம் விலை அதிகம் என்றாலும் குறைந்தது 6 அல்லது 7 வருடங்களுக்கு நல்ல பலன் கொடுக்கும் . தீமை செய்யும் பூச்சிகளை கட்டுப்படுத்த  மாலை 6 மணி முதல் இரவு 9.30 மணிவரை மட்டுமே  எரிய  விட வேண்டும் அதற்க்கு மேல் இருந்தால் நன்மை செய்யும் பூச்சிகளும் பாதிக்கப்படும்

G.M